تره السفر للدوحه وليس للقمر..!

بحريننا
بعد نشر البوست السابق، راودتني بعد الأفكار..

أولها.. خاطري اقابل المسؤول عن وضع سعر التذكرة ليس للدوحه فقط إنما لجميع الخطوط واسأله على اي اساس تم ذلك..!!
خاطري اشوف سعر لأي رحلة من رحلات طيران الخليج ليس اقل من أسعار بقية شركات الطيران إنما مقارب لها.. والله خاطري ولا راح ألاقي ..!
إذا تعرفون انتوا.. كتبوه في التعليقات

ثانيها.. تره يا اخوان الرحله من البحرين للدوحه والعكس وليست للقمر..!!
اروح جنيف او بانكوك او القاهرة وايد ارخص ويمكن مع الإقامة والفطور بعد..!

ثالثها.. اظن اذا في الظن خير.. إن الوقود المستخدم مخلوط مع “ذهب” والا ما صار هذا السعر الفلكي..!
رابعها.. واظن اللي حط السعر.. عباله إن المواطن البحريني “مليونير” مو عارف وين يصرف فلوسه..!

خامسها.. قلت يمكن راح يقدمون للمسافر نص ذبيحه وعصائر طبيعيه أثناء الرحله بدل سندويشة الدجاج او الخضره البارده واليابسه وعصير بوشربه وحده..!

سادسها.. ليش ما نشوف ونسمع إن طيران الخليج حققت أرباح بينما كل الشركات الثانية تربح وبعضها يعطي “بونس” للموظفين..!!

المسألة ما تحتاج خبير ابدا.. هناك خلل وكبير يجب الاعتراف بوجوده ثم إصلاحه حتى تصل للربحيه.

سابعها.. ليش ما يكون عندنا شركة طيران ثانية اقتصادية في البحرين بدل احتكار طيران الخليج اللي لا هي تجاريه ولا هي اقتصادية ولا احد عارف تصنيفها ..!

عيل في احد يتصور إن سعر تذكرة الذهاب للدوحه هي 119 دينار على الدرجة الاقتصادية..!!!
لا لا.. اكيد وقود الطائرة مخلوط مع ذهب وماي زعفران اصلي..!

#البحرين #بحريننا #اخبار #أخبار #bahrain #bahnews